Jinika Belarûsî ya bû misilman navê xwe kir "Leyla"

Elena Akina ji Belarûsê ya ku bi Îsa Akinê li Elcewaza navçeya Bidlîsê peywir dike ra zewîcî ye li Miftîtiya Navçeya Elcewazê kelîmeî şehadet anî û bû misilman û navê xwe guhert û kir Leyla.

Akina ku bi hevserê xwe yê mamoste ra li navçeyê dijî ma bin tesîra jiyan û eleqeya cîranên xwe da û biryar da ku bibe misilman.

Malbata Akin serî li miftîtiyê da û li ser vê merasima îhtidayê hat lidarxistin. Erkan Karacayê miftîyê navçeyê di merasimê da Qur'ana Pîroz xwend û der barê esasên bingehîn ên Îslamiyetê da agahî dan Akinê.

Elena Akinê paşê eşheda xwe anî û bû misilman û navê xwe wek Leyla guhert.

Miftî Karaca ji rojnamevanan ra got ku ji bo Akinê li miftîtiyê merasima îhtidayê li dar xistin.

Karaca wiha axivî: "Got ku ew demek e bi hevserê xwe yê mamoste ra li Elcewazê dijî. Welatiyê Tirkiyeyê ye. Gote me ku ma bin tesîra jiyan û eleqeya cîranên xwe yên li Elcewazê dijîn û biryar da ku bibe misilman. Me jî agahî û berhemên der barê dînê îslamê da teqdîmê wê kirin. Em wê pîroz dikin, bila şehadeta wê ya ji bo îslamê bimbarek be."