Nazim Uzunboyluyê Mûşî 53 sal e rojnameyan berhev dike

Nazim Uzunboyluyê 69 salî ku li Vartoya navçeya Mûşê dijî ji sala 1968an vir va kovar û rojnameyên ku xwendiye li odeyeke mala xwe berhev dike.

Uzunboyluyê li gundê Çaylara 20 kîlometre ji navçeyê dûr dijî û bavê 4 zarokan e her roj rojnameyan dikire û piştî xwendinê jî wan hiltîne.

Heta niha Uzunboylu bi hezaran rojname berhev kirine û ew hin caran rojnameyên berê xwendine jî dîsa dixwîne û rojên xwe yên berê bi bîr tîne.

Uzunboylu daxuyanî da rojnamevanan û got ku ew ji sala 1986an vir va her roj rojnameyan dixwîne û haya wî ji rojev û pirsgirêkên welêt heye.

Uzunboylu destnîşan kir ku ew bi xwendina rojnameyan kêfxweş dibe û wiha pê da çû: "Wê çaxê li Vartoyê rojname nedihatin firotin, min jî ji Mûşê dianî. 53 sal e ku ez rojname û kovaran berhev dikim. Her roj dixwînim û min heta îro xwendiye. Arşîva li cem min li ba kesî tuneye. Min odeyeka xwe ji bo rojname û kovaran cihê kiriye û nêzî 500 hezar rojname û kovar li cem min hene."