Nîvê bendavên li Stenbolê tije bûn
Li Stenbolê piştî baranên rojên dawîn di bendavan da rêjeya tijebûnê derket ji sedî 49,37yî.10 Berfanbar 2014
ÎSTANBUL
Li Stenbolê piştî baranên rojên dawîn di bendavan da rêjeya tijebûnê derket ji sedî 49,37yî.
Li gor agahiyên ku ji Îdareya Kanalîzasyon û Avê ya Stenbolê hatin wergirtin li bajêr di bendavan da ku kapasîteya wan bi tevahî 863 milyon û 770 hezar mêtrokup e hecma avê zêde bû.
Ava di bendavan da di 5 mehên dawîn da her ku diçe zêde dibe û rêjeya avê di meha tebaxê da 17,23, di meha îlonê da 19,23, di cotmehê da 27,62 û di meha sermawezê da jî wek 44,52 hat pîvandin.
Di 26ê sermawezê da rêjeya ava bendavan 41,25 bû û di rojên dawîn da ev rêje zêde bû û derket 49,37yî. Par di meha kanûnê da rêjaya ava di bendavan da ji sedî 38,13 bû.
- Rewşa ava di bendavan da
Rewşa ava di bendavên li Stenbolê da wiha ye:
| Bendav | Rêjeya Tijebûnê (ji sedî) | Hecma Avê ya Heyî (milyon mêtrokup) |
| Omerlî | 43,55 | 91,305 |
| Terkos | 82,09 | 77,107 |
| B.Çekmece | 24,04 | 44,082 |
| Darlik | 24,71 | 31,107 |
| Sazlidere | 25,90 | 15,328 |
| Alîbey | 70,68 | 8,411 |
| Istrancalar | 100,00 | 6,211 |
| Pabuçdere | 93,11 | 5,549 |
| Kazandere | 100,00 | 2,704 |
| Elmali | 58,18 | 1,078 |
