Dûh li Golbaşiya navçeya Ankarayê firokeyek ketîbû û 4 leşker şehîd ketibûn. Îro ji bo leşkerên şehît bûn, li Fermandariya Dibistana Hewayî û Bêjayî merasim hat lidarxistin.
Ji bilî malbatên şehîdan, Serokê TBMMê Cemîl Çîçek, Serokê Sererkaniyê Orgenarel Necdet Ozel, Arîkarê Serokwezîr Beşîr Atalay, Wezîrê Tenduristiyê Mehmet Muezzînoglu, fermandarên hezên leşkerî û hevalên şehîdan beşdarî merasima li Guvercinlîkê bûn.
Merasim bi rawestîna rêzgirtinê dest pê kir. Di merasimê de Fermandarê Alaya Hewayî û Bejayî ya Yekemîn Albay Ekrem Çaglar, ji bo xatirê Pîlotên şehîd Serdar Ahmet Dûman, Emre Acar, Teknîsyen Huseyin Uluçeşme û Teknîsyen Erdinç Salkim axiftinek kir.
Piştî ku serpêhatî û paşeroja şehîdan hat xwandin, dia hatin kirin.
Cinazeyê Pilotê şehîd Serdar Ahmet Dûman şandin Kirikalleyê, yê Pilotê şehîd Emre Acar şandin Aydinê, yê Teknisyen Huseyin Uluçeşme şandin Eskîşehîrê û yê Teknîsyen Erdinç Salkim jî şandin Tekirdagê.
