Serokomar Recep Tayyip Erdogan çû Belçîkayê

Serokomarê Tirkiyeyê Recep Tayyip Erdogan bi balafira taybet "TC-TUR"ê va di saet 15.00an da çû Bruksela paytextê Belçîkayê.

Alîkarê Serokomar Fuat Oktay, Wezîra Malbat, Xebat û Xizmetên Civakî Zehra Zumrut Selçuk, Waliyê Stenbolê Alî Yerlîkaya, Midûrê Ewlehiyê Mustafa Çalişkan û rayedarên din li Balafirgeha Ataturkê Erdogan bi rê kirin.

Wezîrê Karên Derva Mevlut Çavuşoglu, Wezîrê Karên Navxweyî Suleyman Soylu, Wezîrê Parastina Neteweyî Hulusî Akar, Serokê MÎTê Hakan Fîdan, Serokê Ragihandinê Fahrettîn Altun, Berdevkê Serokomariyê Îbrahîm Kalin û Berdevkê AK Partiyê Omer Çelîk jî bi Erdogan ra çûn Brukselê.

Erdogan wê li Nûnertiya Daîmî ya YEyê ya Tirkiyeyê bi Sekreterê Giştî yê NATOyê Jens Stoltenberg ra hevdîtinekê bike.

Piştî vê Erdogan wê li Avahiyê Konseya YEyê Serokê Konseya YEyê Charles Michel û Seroka Komîsyona YEyê Ursula von der Leyen ra civîneke sêalî bike. Paşê Serokomar Erdogan û Mîchel wê civîneke çapemeniyê ya hevpar li dar bixin.