هاووڵاتییان دەچن بۆ بینینی گەورەترین کەشتی جەنگیی تورکیا لە ئیزمیر

- بەیانی ئەمڕۆ کەشتی جەنگیی "TCG Anadolu" لە بەندەری ئاڵسانجاک لە کەنداوی ئیزمیر لەنگەری گرت و کاتژمێر ١٠:٠٠-١٢:٠٠ زانیاری دەدرێت لەبارەی کەشتییەکەوە و دواتریش رێگە بە هاووڵاتییان دەدرێت لە نزیکەوە کەشتییەکە ببینن. ئیزمیر – AA کەشتی جەنگیی "TCG Anadolu" کە گەورەترین کەشتی جەنگیی سوپای تورکیایە و لەلایەن تورکیاوە بە توانا ناوخۆییەکان بەرهەم هێندراوە، گەیشتە بەندەری ئاڵسانجاک لە پارێزگای ئیزمیر. کەشتییەکە کە بەیانی ئەمڕۆ بە یاوەری کەشتییەکی سەربازیی گەیشتە کەنداوی ئیزمیر، دواتر لە بەندەری ئاڵسانجاک لەنگەری گرت. بەلەمەکانی سەربە فەرماندەیی هێزە دەریاییەکان لە دەوروبەری کەشتییەکە ئەرکدار کراون. کاتژمێر ١٠:٠٠-١٢:٠٠ زانیاری دەدرێت لەبارەی کەشتییەکەوە و دواتریش رێگە بە هاووڵاتییان دەدرێت لە نزیکەوە کەشتییەکە ببینن. کەشتی جەنگیی "TCG Anadolu"، ٢٣٠ مەتر درێژە و ٣٢ مەتریش پانە و قەبارکەیشی نۆ هەزار و ٢٠٠ مەتر چوارگۆشەیە. لە یەک کاتدا دەتواندرێت شەش هێلیکۆپتەر لەسەر کەشتییەکە بنیشێتەوە و بەڕێ بکەوێت و فڕۆکەی بێ فڕۆکەوانی هێرشبەریشی لەسەر جێگیر دەکرێت. هەزار و ٢٠٠ سەرباز لەخۆدەگرێت و نەخۆشخانەیەکی ٣٠ قەرەوێڵەیی و دوو هۆڵی نەشتەرگەریشی تیادایە. ( Mahmut Serdar Alakuş - ئاژانسی ئانادۆڵو )Mahmut Serdar Alakuş