ئۆپەراسیۆنی ئاسمانی لە باکووری عێراق

ئەنقەرە

لەدوای ھێرشی چەکدارانی پەکەکە بە تۆپی ھاوەن و گیانلەدەستدانی سێ سەربازی سوپای تورکیا بەم ھۆیەوە، فڕۆکە جەنگیەکانی ئەو وڵاتە، ئۆپەراسیۆنێکی ئاسمانیان بۆ سەر ئامانجەکانی پەکەکە لە ناوچەی ئاڤاشین-باسیان ئەنجامدا و لەئاکامدا ١٠ چەکداری پەکەکە کوژران.

بەپێی راگەیەندراوێکی سوپای تورکیا کە تێیدا ئاماژە بەوە کراوە کە ئەمڕۆ کاتژمێر ١٢ی نیوەڕۆ چەکدارانی پەکەکە ھێرشێکی موشەکی لە ناوچەی بینلیسی چیای ھیساری سەربە ھەکاری-جوکورجا ئەنجامداوە و بەو هۆیەوە سێ سەربازی تورکیا گیانیان لەدەستداوە و چواری دیکەش برینداربوون.

راشگەیەندرا کە ئەو چەکدارانەی پەکەکە کە ھێرشەکەیان ئەنجامداوە ھەڵاتوون بۆ ناوچەی ئاڤاشین-باسیان لە باکووری عێراق.

لەدوای ئەو هێرشە چەکداراییەی پەکەکە، فڕۆکە جەنگیەکانی سوپای تورکیا، ئۆپەراسیۆنێکی ئاسمانیان بۆ سەر ئامانجەکانی پەکەکە لە ناوچەی ئاڤاشین-باسیان ئەنجامدا و لەئاکامدا ١٠ چەکداری پەکەکە کوژران و چوار پێگەی سەر بەو رێکخراوە خاپوور کران.