ئۆپه‌راسیۆنی قه‌ڵغانی فورات.. ٧ پێگەی داعش خاپوور کران

له‌میانه‌ی ئۆپه‌راسیۆنی قه‌ڵغانی فوراتدا، سوپای تورکیا هێرشی ئاسمانیی بۆ سه‌ر ٧ پێگه‌ی رێکخراوی تیرۆریستیی داعش له‌باکووری سووریا ئه‌نجامدا. له‌ئه‌نجامی هێرشه‌کاندا ٢ باره‌گای رێکخراوه‌که‌، ٣ سه‌کۆی به‌رگریی، ئۆتۆمبیلێک و جبه‌خانه‌یه‌ک له‌ناوبران.

ئه‌نقه‌ره‌- AA

- له‌میانه‌ی ئۆپه‌راسیۆنی قه‌ڵغانی فوراتدا، سوپای تورکیا هێرشی ئاسمانیی بۆ سه‌ر ٧ پێگه‌ی رێکخراوی تیرۆریستیی داعش له‌باکووری سووریا ئه‌نجامدا. له‌ئه‌نجامی هێرشه‌کاندا ٢ باره‌گای رێکخراوه‌که‌، ٣ سه‌کۆی به‌رگریی، ئۆتۆمبیلێک و جبه‌خانه‌یه‌ک له‌ناوبران.
- له‌ئه‌نجامی پێکدادانه‌کانیشدا سه‌ربازێکی سوپای تورکیا گیانی له‌ده‌ستدا و 5 سه‌ربازی دیکه‌ به‌سووکی برینداربوون.

له‌میانه‌ی ئۆپه‌راسیۆنی قه‌ڵغانی فوراتدا سوپای تورکیا هێرشی ئاسمانیی بۆ سه‌ر ٧ پێگه‌ی رێکخراوی تیرۆریستیی داعش له‌باکووری سووریا ئه‌نجامدا. له‌ئه‌نجامی هێرشه‌کاندا ٢ باره‌گای رێکخراوه‌که‌، ٣ سه‌کۆی به‌رگریی، ئۆتۆمبیلێک و جبه‌خانه‌یه‌ک له‌ناوبران. له‌ئه‌نجامی پێکدادانه‌کانیشدا سه‌ربازێکی سوپای تورکیا گیانی له‌ده‌ستدا و ٥ سه‌ربازی دیکه‌ به‌سووکی برینداربوون.

به‌پێی ئه‌و زانیارییانه‌ی له‌لایه‌ن سوپای تورکیاوه‌ بڵاوکراونه‌ته‌وه‌، ئۆپه‌راسیۆنی قه‌ڵغانی فورات که‌ له‌ ٢٤ی ئابدا به‌مه‌به‌ستی نه‌هێشتنی هه‌ڕه‌شه‌ی رێکخراوه‌ تیرۆریستییه‌کان و به‌رزکردنه‌وه‌ی ئاستی ئاسایشی سنوور له‌باکووری سووریا ده‌ستیپێکردبوو، پێی نایه‌ رۆژی ٩٤ هەمینییه‌وه‌.

له‌چوارچێوه‌ی ئۆپه‌راسیۆنه‌که‌دا هێرشه‌کانی سوپای سووریای ئازاد به‌مه‌به‌ستی کۆنترۆڵکردنه‌وه‌ی ئه‌لباب و ده‌رهێنانی له‌ژێر ده‌ستی داعش درێژه‌ی هه‌یه‌. سوپای تورکیا پشتیوانیی چڕ و پڕی هێزه‌کانی سوپای سووریای ئازاد له‌وشکانیی و له‌ئاسمانیشه‌وه‌ ده‌کات.

له‌ئه‌نجامی پێکدادانه‌کانیشدا سه‌ربازێکی سوپای تورکیا گیانی له‌ده‌ستداوه‌ و ٥ سه‌ربازی دیکه‌ به‌سووکی برینداربوون. دوو ئۆتۆمبیلی زرێپۆش زیانێکی که‌میان پێگه‌یشت. هاوکات ٤ چه‌کداری سوپای سووریای ئازاد کوژران و 25ی دیکه‌یان برینداربوون.

له‌لایه‌ن فڕۆکه‌ جه‌نگییه‌کانی سه‌ر فه‌رمانده‌یی هێزه‌ ئاسمانییه‌کانی سوپای تورکیاوه‌ هێرشی ئاسمانیی بۆ سه‌ر ٧ پێگه‌ی رێکخراوی تیرۆریستیی داعش له‌هه‌ریه‌ک له‌ناوچه‌کانی به‌ره‌که‌، عه‌نیفه‌ و ئه‌بو حه‌یج له‌باکووری سووریا ئه‌نجامدراوه‌ وله‌ئه‌نجامی هێرشه‌کاندا ٢ باره‌گای رێکخراوه‌که‌، ٣ سه‌کۆی به‌رگریی، ئۆتۆمبیلێک و جبه‌خانه‌یه‌ک له‌ناوبراون.

هاوکات له‌سه‌ر سنووری نێوان سووریا و تورکیا فڕۆکه‌ بێفڕۆکه‌وانه‌کان به‌رده‌وام بوون له‌چاودێرییکردنی هێڵه‌ سنوورییه‌که‌.

له‌سه‌ره‌تای ئۆپه‌راسیۆنه‌که‌وه‌ تا ئێستا هێزه‌کانی ئۆپۆزسیۆن توانیویانه‌ نزیکه‌ی هه‌زار و ٨٢٠ کیلۆمه‌تر چوارگۆشه‌ کۆنترۆڵبکه‌نه‌وه‌ و ٤٠ ـەمین و هه‌زار و ٧٥٨ بۆمبی ده‌ستکرد پووچه‌ڵبکه‌نه‌وه‌.