بەفر رێگای ٩٥ گوندی لە سیواس داخستووە

​​​​​​​سیواس – AA

بەهۆی بەفربارین و هەڵکردنی رەهێڵەوە، رێگای ٩٥ گوند لە پارێزگای سیواس داخراوە.

فەرمانگەی تایبەتی پارێزگای سیواس رایگەیاند، بەهۆی هەڵکردنی رەهێڵە و ئەو شەپۆلی بەفربارینەی ناوچەکەی گرتووەتەوە، رێگای ٩٥ گوند لەو پارێزگایە داخراوە.

تیمە پەیوەندیدارەکان بەردەوامن لە هەوڵەکانیان بۆ راماڵینی بەفری کەڵەکەبووی سەرشەقامەکان و کردنەوەی رێگاکان بە رووی هاتوچۆدا.

تیمەکان هەوڵ دەدەن کردنەوەی رێگای ئەو گوندانە پێشتر بخەن کە حاڵەتەکانی وەک نەخۆشبوون، لەدایکبوون و گیانلەدەستدانیان تیادا بەدی دەکرێت.