توركیا.. شوێنی سێ هه‌زار و 320 دادوه‌ر و داواكاری گشتیی گۆڕانكاری تیاداكرا

ئه‌نقه‌ره‌ - AA

به‌پێی بڕیارنامه‌ی سه‌ره‌كی ٢٠١٨ی فه‌رمانگه‌ی یه‌كه‌می ئه‌نجوومه‌نی دادوه‌ران و داواكارانی گشتیی توركیا، شوێنی سێ هه‌زار و ١٩ دادوه‌ر و داواكاری گشتیی له‌ دادوه‌ریی یاسایی و شوێنی ٣٠١ دادوه‌ر و داواكاری گشتییش له‌ دادوه‌ریی كارگێڕی گۆڕدران.

فه‌رمانگه‌ی یه‌كه‌می ئه‌نجوومه‌نی دادوه‌ران و داواكارانی گشتیی توركیا، بڕیارنامه‌ سه‌ره‌كییه‌كانی ساڵی ٢٠١٨ی دادگای داوه‌ری و كارگێڕی ته‌واوكرد.

ئه‌و بڕیارنامانه‌ی تیایاندا شوێنی سێ هه‌زار و ١٩ دادوه‌ر و داواكاری گشتیی له‌ دادوه‌ریی یاسایی و، ٣٠١ دادوه‌ر و داواكاری گشتیی له‌ دادوه‌ریی كارگێڕی گۆڕدرا له‌ ماڵپه‌ڕی ئه‌نجوومه‌نه‌كه‌دا بڵاوكرایه‌وه‌.

له‌لایه‌كی دیكه‌وه‌، به‌و بڕیارنامانه‌ بۆ یه‌كه‌مجار له‌ دادگاكانی دادوه‌ری ناوچه‌ی ساكاریا و قۆنیا كه‌ تازه‌ دامه‌زراون دادوه‌ر و داواكاری گشتیی دامه‌زرێنران.