تورکیا.. کۆبوونەوەی جەماوەری ھەدەپە

مێرسین - AA

ھاوسەرۆکی گشتی پارتی دیموکراتی گەلان (ھەدەپە)، سەزای تەمەللی رایگەیاند: "شارەکانمان دەکەینە شاری ئافرەتان. بەرەنگاربوونەوە بۆ ئافرەتان بەرزدەکەینەوە. چەندین شار لەسەر بنەمای نوێنەرایەتی ھاوبەش دروست دەکەین".

تەمەللی لە کۆبوونەوەیەکی جەماوەری پارتەکەی لە شاری مێرسین وتارێکی پێشکەش کرد و رایگەیاند کە ئامانجیان بونیاتنانی دیموکراسی خۆجێیە و بژاردەیەک پێشکەش دەکەن کە گەل راستەوخۆ بەشداری لە بەڕێوەبردندا بکات.

سەزای تەمەللی ئاماژەی بەوەشدا کە لە بەشێکی شارەکان کاندیدی سەرۆکایەتیان دیاری نەکردووە و گوتیشی: "ھەدەپە بە ھەڵنەبژاردنی کاندیدی خۆی لە شارە گەورەکانی رۆژئاوای تورکیا، دەرفەتی سیاسەتکردنی بۆ ئافرەتان، رەنجدەران و ھێزە دیموکراسییەکان کردووەتەوە".

تەمەللی راشیگەیاند کە بەشێکی پارتە سیاسییەکان ئافرەتان لە ژیانی کۆمەڵایەتی و سیاسی دوورخستووەتەوە، گوتیشی: "شارەکانمان دەکەینە شاری ئافرەتان. بەرەنگاربوونەوە بۆ ئافرەتان بەرزدەکەینەوە. چەندین شار لەسەر بنەمای نوێنەرایەتی ھاوبەش دروست دەکەین".