جزیرە.. کردنەوەی خولی رستن و چنین بۆ پەنابەران

ناوەندی فێرکردنی هاووڵاتی لە شارۆچکەی جزیرەی سەر بە پارێزگای شرنەخ، خولێکی رستن و چنینی کردەوە.

لە لێدوانێکی بۆ ئاژانسی ئانادۆڵو، بەڕێوبەری ناوەندەکە ئەحمەد گوموش گوتی: "لە چوارچێوەی پرۆژەکانی "SODES " بۆ کەمپەکان و بە هاوکاری پارێزگاری شرنەخ و بەڕێوبەرایەتی پەروەردەی شارۆچکەکە ئەو خولەمان کردەوە. ئەو خولەمان بە ئامانجی ئەوە کردۆتەوە پەنابەران دڵتەنگی لەبیر کەن و هەروەها نەوەی تازە فێری کاری دەستی بن، خولەکە کە لە ٢٠ قوتابی پێک هاتووە، تێیدا وانەکانی ناونووسین لەسەر بەڕ، ئاڵا دروستکردن ، بەرماڵ و چەند کارێکی دیکەی چنین بە دەست دەگوترێتەوە".

خولەکە کە ١٦ هەفتە دەخایەنێت تێیدا بەشداربووی خولەکە دوای تەواوبوونیان بڕوانامەیان پێ دەبەخشرێ.