خولوسی ئاکار: ''سوپای تورکیا لە زاپ و گابار و گارە بە دوای تیرۆریستانەوەیە''

قایسەری - AA

وەزیری بەرگریی تورکیا، خولوسی ئاکار رایگەیاند: ''لەئێستادا مەهمەتچیک (سوپای تورکیا) لە زاپ، گابار و گارە بە دوای تیرۆریستاندا دەگەڕێت. حەشارگە و پەناگەی تیرۆریستانی بەسەریاندا رووخاندووە و بەردەوامیش دەبێت لە رووخاندنیان''.

خولوسی ئاکار کە لەسەر لیستی ئاک پارتی کاندیدە بۆ بازنەی قایسەری، بەشداری لە چالاکییەکدا کرد کە لەلایەن گەورە شارەوانی قایسەری-یەوە رێکخرابوو و لەژێر ناوی ''پاڵەوانانی رۆژهەڵات، پاسەوانانی سنوورەکانمان'' گوتارێکی پێشکەش کرد.

وەزیری بەرگریی تورکیا رایگەیاند: ''ئێمە یەکین، بەیەکەوەین و یەک دەست و یەک دڵین، بەیەکەوە وڵات و گەلەکەمان بەهێز دەکەین. با ئەوان بتەقن''.

خولوسی ئاکار جەختی لەسەر ئەوە کردەوە کە بەبێ ئاسایش ناتوانرێت داهاتوو هەبێت و گوتی: ''خەباتمان دژی ئەوانەی داردەست و بوکەڵەی دەستی هێزە دەرەکییەکانن بەردەوامە لە پێناو مانەوەمان. پێداگرانە بەرەنگاربوونەوەمان دژبە هەموو رێکخراوی تیرۆریستییەکان بەردەوامە، بەتایبەتی پەکەکە/یەپەگە، فەتۆ و داعش''.

گوتیشی: ''لەئێستادا مەهمەتچیک (سوپای تورکیا) لە زاپ، گابار و گارە بە دوای تیرۆریستاندا دەگەڕێت. حەشارگە و پەناگەی تیرۆریستانی بەسەریاندا رووخاندووە و بەردەوامیش دەبێت لە رووخاندنیان''.