لە تونێلێکی شانلیئورفا تەرمی کەسێکی دیکە دۆزرایەوە

شانلیئورفا - AA

لە شاری شانلیئورفا لە تونێلێکدا تەرمی هاووڵاتییەک دۆزرایەوە.

دوای ئەو بارانە بەلێزمەیەی دوێنێ پارێزگای شانلیئورفای گرتەوە، کارەکانی گەڕان و رزگارکردن لەو ناوچانە دەستیان پێ کرد کە لافاو گرتونیەتییەوە.

تیمەکانی گەڕان و رزگارکردن لە میانی کارەکانیاندا، تەرمی کەسێکیان لە تونێلێکدا دۆزییەوە و بەمەش ژمارەی ئەو کەسانەی بەهۆی لافاوەوە لەو شارە گیانیان لەدەستداوە گەیشتە ١٣ کەس.

وەزیری ناوخۆی تورکیا، سولەیمان سۆیلو؛ وەزیری گەنجینە و دارایی، نورەددین نەباتی و وەزیری کشتوکاڵ و دارستان، واحید کیریشجی ناوچەکەیان بەسەر کردەوە.

لە لایەکی دیکەشەوە کارەکان بۆ دەرهێنانی ئۆتۆمبێلێک بەردەوامن کە لەناو تونێلێکەدا گیری خواردووە.