مه‌ڵاتیا.. بینایەک داڕووخا

مه‌ڵاتیا- AA

لە پارێزگای مه‌ڵاتیا خۆرهه‌ڵاتی توركیا بینایەک داڕووخا و دوای رووداوەکەش تیمە فریاگوزارییەکان دەستیان بە دەرهێنانی ئەو کەسانە کرد کە لە ژێر داروپەردووی بیناکەدا گیریان خواردووە.

رووداوەکە لە شارۆچکەی یەشیلیورت روویداوە و بینایەکی دوو نهۆمی کە نهۆمی زەمینییەکەی چەند دوکانێک بووە، بەهۆکارێکی نەزانراو داڕووخا.

دوای رووداوەکەش تیمە فریاگوزارییەکان گەیشتوونەتە شوێنی رووداوەکە و توانیویانە هەشت کەس بە برینداریی رزگار بکەن.

بریندارەکان بە ئامبوڵانس گەیەندراونەتە نەخۆشخانە.