مەراسیمی کۆچی دوایی هرانت

مەراسیمی یادکردنەوە بۆ کوژرانی سەرنووسەری رۆژنامەی ئاگۆست هرانت دینک بەڕێوەچوو. دینک 9 ساڵ لەمەوبەر لەبەردەم بینامی رۆژنامەی ئاگۆست لەلایەن چەند چەکدارێکەوە دەستڕێژی لێکرا و کوژرا.

لە نۆیەمین ساڵیادی کوژرانی ناوبراودا ژمارەیەکی زۆر لە رۆژنامەوانان بە وتافی "هەموومان هرانتین، هەموومان ئەرمەنین، بژی برایەتی و پێکەوەژیان" بەرەو بینای رۆژنامەکە رێیانکرد.

لەم نێوەندەدا پۆلیس لە دەوروبەری تاکسیم رێوشوێنی ئەمنیی توندی گرتبووەبەر و رێگای سەرەکیی ناوچەی ئۆسمانبێی داخرابوو.

هەروەها لەبەردەم بینای رۆژنامەی ئاگۆست و لەمیانەی بەڕێوەچوونی مەراسیمەکە ژمارەیەکی زۆر لە پۆلیسی ئیستانبوڵ لە ئامادەباشیدابوون.

لە مەراسیمەکەدا پۆستەری هرانت دینک لە بیناکەدا هەڵواسرا و گوڵێکی زۆر دانرا و مۆم داگیرسێنرا.