Yemen
عەدەن ــ AA
وەزارەتی تەندروستی یەمەن، هەڵمەتێكی بەپەلەی كۆتانی دژ بە نەخۆشی سورێژە و سورێژەی ئەڵمانی لە پارێزگای عەدەن باشووری ئەو وڵاتە دەست پێكرد كە 730 هەزار منداڵ دەگرێتەوە.
ئەم هەڵمەتە لە بنكەی تەندروستی شاری مەعلا دەستیپێكراوە كە ژمارەیەك لە بەرپرسانی وەزارەتی تەندروستی، نوێنەرانی رێكخراوی تەندروستی جیهان و رێكخراوی یونیسێف تیایدا ئامادە بوون.
لەمبارەیەوە بریكاری وەزارەتی تەندروستی و چاودێری سەرەتایی یەمەن، عەلی وەلیدی بە ئاژانسی ئانادۆڵوی رایگەیاند، ئەم هەڵمەتە، 730 هەزار مندال لە شەش پارێزگای یەمەن دەگرێتەوە.
عەلی وەلیدی روونی كردەوە كە منداڵانی شەش مانگ تا خوارووی 10 ساڵان لەم هەڵمەتەدا سوودمەند دەبن و گوتیشی: "هەڵمەتەكە بە پاڵپشتی رێكخراوی یونیسێف لە هەریەكە لە پارێزگاكانی، عەدەن، حەج، ئەبیەن، زاڵع، شەبوە و حەزەرمەوت بەڕێوەدەچێت.
بریكاری وەزارەتی تەندروستی یەمەن رایگەیاند، هەزار و 848 كارمەندی تەندروستی لەم هەڵمەتەدا بەشداری دەكەن كە بۆ ماوەی یەك هەفتە بەردەوام دەبێت و داواشی لە دایك و باوكانی منداڵان كردووە كە بەرپرسیاریەتی لە كوتانی منداڵەكانیان لە ئەستۆ بگرن و هاوكاری تیمەكانی تەندروستی بكەن.