ئۆکراینا: ''سوپا گوندی ستۆرۆجۆڤی لە ناوچەی دۆنێتسک رزگار کرد''

کیەڤ - AA

جێگری وەزیری بەرگریی ئۆکراینا، ئانا مالیار، بڵاویکردەوە کە سوپای وڵاتەکەی گوندی ستۆرۆجۆڤی رزگارکردووە.

لە راگەیەندراوێکیدا کە لە هەژماری خۆی لە هەژماری تۆڕی کۆمەڵایەتیی بڵاویکردووەتەوە، مالیار ئاماژەی بەوە کرد کە یەکەکانی ئۆکراینا سەرکەوتنیان لە ئۆپەراسیۆنی هێرشی پێچەوانەدا بەدەستهێناوە و ئاڵای ئۆکراینا لە گوندی ستۆرۆجۆڤیی ژێر دەسەڵاتی رووسیا لە ناوچەی دۆنێتسک دەگەشێتەوە.

لە راگەیەندراوەکەیدا، مالیار رایگەیاند: ''ئاڵای دەوڵەتەکەمان لەسەر گوندی ستۆرۆجۆڤی دەگەشێتەوە. هەتا رزگارکردنی هەموو خاکی ئۆکراینا ئەم دۆخە بۆ هەموو شوێنەکانی نیشتەجێبوون رەوایە. سوپاسی لیوای ٣٥ی میهایل ئۆسترۆگرادسکی دەریایی دەکەین''.

لیواکە لە راگەیەندراوێکیدا لە هەژماری خۆی لە تۆڕی کۆمەڵایەتیی بڵاویکردەوە کە لە چوارچێوەی هێرشی پێچەوانە بۆ سەر هێزەکانی رووسیا گوندی ستۆرۆجۆڤی رزگارکردووە کە لە ئاداری ٢٠٢٢ەوە لەژێر کۆنترۆڵی رووسیادایە.

لە راگەیەندراوەکەدا باس لەوە کراوە کە لەو ئۆپەراسیۆنەدا نزیکەی ٥٠ سەربازی رووسی لەچالاکی خراون و چوار سەربازیش بە دیل گیراون.