ئەمریکا لەدوای رۆژێک پەیامی سەبارەت بە "١٥ی تەمووز" بڵاوکردەوە

واشنتۆن - AA

وەزارەتی دەرەوەی ئەمریکا لە سێیەمین ساڵیادی هەوڵی کودەتا لە لایەن رێکخراوی تیرۆریستیی فەتحوڵڵاچی، دوای رۆژێک روونکردنەوەیەکی بڵاوکردەوە.

لە وەڵامی پرسیارێکی پەیامنێری ئاژانسی ئانادۆڵودا، وەزارەتی دەرەوەی ئەمریکا لە سێیەمین ساڵیادی هەوڵی کودەتا لە تورکیا، راگەیەنراوێکی درەنگوەختی بڵاوکردەوە.

لە راگەیەنراوەکەدا هاتووە "ئەمریکا سەرەخۆشی گەرم لە دۆست و خۆشەویستانی ئەو کەسانە دەکات کە لە هەوڵی کودەتای ٢٠١٦دا لە تورکیا گیانیان لەدەستداوە و هاوخەمی کەسوکاری بریندارەکانە".

لە راگەیەنراوەکەدا هەوڵی کودەتای ١٥ی تەمووز بە هێرشێک بۆسەر دیموکراسی ناوبراوە و تیایدا هاتووە:

"ئەم هەوڵە شکستخواردووەی کودەتا، وەبیرهێنانەوەیەکی تەواوەتی بوو سەبارەت بە متمانە و مکوڕیی لە پێناو دەستەبەرکردنی نیشاندانی رێز لەبەرامبەر پاراستنی دیموکراسی و ئازادییە بنەڕەتییەکاندا. وەک ئەمریکا، دووپاتی پشتیوانیی مکوڕمان لە گەلی تورک و دامەزراوە دیموکراتییەکانیان دەکەینەوە".