ئەمریکا: "هیچ دوودڵییەک نییە لەبارەی پشتیوانیکردنی ئۆکراینا"

کیێڤ - AA

راوێژکاری ئاسایشی نیشتمانیی ئەمریکا، جەیک سولیڤان رایگەیاند، جەنگی دژ بە رووسیا لە ئۆکراینا درێژەی هەیە و پێداگرانە بەردەوام دەبن لەسەر پشتیوانیکردنی سوپای ئۆکراینا.

سەرۆکی نووسینگەی سەرۆکایەتی ئۆکراینا، ئاندری یەرماک لەگەڵ جەیک سولیڤان کۆنگرەیەکی رۆژنامەوانیی هاوبەشی سازکرد کە بەمەبەستی ئەنجامدانی دیدار و کۆبوونەوە سەردانی وڵاتەکەی کردووە.

سولیڤان باسی لەوە کرد کە تا کۆتایی بەردەوام دەبن لە پشتیوانیکردنی ئۆکراینا لەو ئۆپەراسیۆنانەی کە دژ بە هێزەکانی رووسیا درێژەیان هەیە و رایگەیاند "دەبێت هەموو شتێکی پێویست بۆ ئۆکراینا دەستەبەر بکەین بۆ بەردەوامیدان بەم ئۆپەراسیۆنانە".

هەروەها سولیڤان باسی لەوە کرد کە هەرکاتێک پێویست بکات ئەمریکا لە پاڵ ئۆکراینادا دەبێت و پشتیوانی دەکات و، گوتی: "لە کاتێکدا بەرەوپێش دەچێت هیچ دوودڵییەک نییە لەبارەی پشتیوانیمان و ئاڵای سوور و سازشمان نابێت".

راوێژکاری ئاسایشی نیشتمانیی ئەمریکا، جەیک سولیڤان لەچوارچێوەی دیدار و کۆبوونەوەکانیدا لە کیێڤ لەگەڵ سەرۆکی ئۆکراینا، ڤۆلۆدیمیر زێلێنسکی کۆبووەوە.