بوومه‌له‌رزه‌یه‌ك به‌ گوڕی پێنج پله‌ ئێرانی هه‌ژاند

تاران – AA

بوومه‌له‌رزه‌یه‌ك به‌ گوڕی پێنج پله‌ پارێزگای خوزستان كه‌ ده‌كه‌وێته‌ باشووری رۆژئاوای ئێران'ی هه‌ژاند.

سه‌نته‌ری بوومه‌له‌رزه‌ناسیی زانكۆی تاران رایگه‌یاند بوومه‌له‌رزه‌یه‌ك كه‌ ناوه‌نده‌كه‌ی شارۆچكه‌ی ئاندیكا بووه‌ كاتژمێر ٠٢:٤٦ به‌ كاتی خۆجێی پارێزگای خوزستانی هه‌ژاندووه‌.

بوومه‌له‌رزه‌كه‌ له‌ قوڵایی حه‌وت كیلۆمه‌تر له‌ توێكڵی زه‌ویدا رووی داوه‌.

تاكوو ئێستا هیچ راگه‌یه‌ندراوێك بڵاو نه‌كراوه‌ته‌وه‌ له‌باره‌ی ئه‌وه‌ی كه‌ داخۆ بوومه‌له‌رزه‌كه‌ زیانی ماڵی و گیانی لێ كه‌وتووه‌ته‌وه‌ یاخود نا.