Alaattin Doğru
27 تشرینی یەکەم 2020•نوێکردنەوە: 27 تشرینی یەکەم 2020
پاريس - AA
فيليسيان كابوگا، كە لەلايەن دادگاى سزا نێودەوڵەتييەكان كە بە بەرپرس لە كوشتنى سەدان هەزار كەس لە كۆمەڵكوژييەكانى روواندا دانراوە و مانگى ئايار لە فەڕەنسا دەستگيركرا، رەوانەى هۆڵەندا كرا.
كابوگا-ى تەمەن ٨٧ ساڵان، كە بە تەمويلكردنى كۆمەڵكوژييەكان تۆمەتباركراوە و لە ١٦ى ئايارەوە لە پاريس دەستگيركراوە، بە پێى رێكارەكانى دادگاى سزا نێودەوڵەتييەكان گواسترايەوە لاهاى.
بە پێى روونكردنەوەيەكى MTPI، لەگەڵ دانانى دادوەر بۆ دۆسيەكەى كابوگا، يەكەم دادگاييكردنى لە لاهاى بەڕێوەدەچێت.
دادگاى سزا نێودەوڵەتييەكان، كابوگا، بە دامەزرێنەرى گرووپى "Interahamwe"ى سەر بە ميليشياكانى هوتو بەرپرسيار دەزانێت كە دەستيان هەبووە لە كۆمەڵكوژيكردنى سەدان هەزار توتسى.
