دزینی ۱٤ ملیۆن دۆلار لە چیلی

بۆینس ئایرس-AA

بەپێی هەواڵی راگەیاندنەکانی چیلی، گرووپێكی چەتە بەجلی پۆستەچییەوە، چوونەتە ناو فڕۆکەخانەی ئارتورۆ مێرینۆ بێنیتەز لە سانتیاگۆی پایتەخت و بڕی ۱٤ ملیۆن دۆلاریان دزیوە کە لە دەرەوەی وڵاتەوە هێندرابوو و بڕیاربوو بە ئۆتۆمبێلی زرێپۆش بگوێزرێنەوە و بەسەر بانکەکانی چیلی-دا دابەشبکرێن.

لێکۆڵینەوە بەراییەکان باس لەوە دەکەن کە چەتەکان پێنج کەس بوون، کەسێکیش کە پاسەوانی ئۆتۆمبێلە زرێپۆشەکە بووە بریندار بووە.

ساڵی ۲۰۱٤ هەر لە فڕۆکەخانەی سانتیاگۆ بڕی شەش ملیۆن دۆلار دزرا.