سعووديە.. ٢٥ تووشبووى دیكه‌ی كۆرۆنا گيانيان لەدەستدا

ئيستانبوڵ - AA

لە سعووديە ژمارەى ئەو كەسانەى كە دواى تووشبوونيان بە ڤايرۆسى كۆرۆناى نوێ (COVID-19) گيانيان لەدەستداوە ٢٥ زياديكردووە و بۆ پێنج هەزار ٤٣ بەرزبووەتەوە.

بە گوێرەى ئەو راگه‌یه‌نراوه‌ی كە لەلایه‌ن وەزارەتى تەندروستيى سعووديەوە بڵاوكراوەتەوە، لە وڵاتەكە و لە ماوه‌ى ٢٤ كاتژمێرى رابردوودا، ٢٥ حاڵەتى گيان لەدەستدان، ٢٢٣ حاڵەتى نوێى تووشبوون تۆماركراوە و ٥٩٣ تووشبوونيش لە ڤايرۆسەكە چاكبوونەتەوە.

بەپێى دوايين ئامارەكان، كۆى گشتيى ژمارەى گيان لەدەستان بۆ پێنج هەزار و ٤٣ و ژمارەى حاڵەتەكانى تووشبوونيش بۆ ٣٣٩ هەزار و ٢٦٧ كەس بەرزبووەتەوە.

هاوكات ٣٢٥ هەزار و ٣٣٠ تووشبووش چاكبوونەتەوە.