سوپای ئیسرائیل بەردەوامە لە پێشێلکردنی سەروەریی خاکی سووریا

سوپای ئیسرائیل پێشێلکارییەکی نوێی لە باشووری سووریا ئەنجامدا و لە میانیدا ھەڵیکوتایە سەر گوندێکی سەربە پارێزگای قونەیترە باشووری ئەو وڵاتە.

کەناڵی فەرمیی سووریا "ئەلئیخبارییە بڵاویکردەوە کە ھێزەکانی سوپای ئیسرائیل، ھەڵیانکوتاوەتە سەر گوندی عەشا سەربە پارێزگای قونەیترە.

ھەروەھا کەناڵەکە ڕاشیگەیاندووە کە ھێزەکانی سوپای ئیسرائیل لە میانی ھەڵکوتانە سەر گوندی عەشا، ھەڵمەتی گەڕان و پشکنینیان لە ماڵەکانی ناو گوندەکە ئەنجامداوە.