فەتح و حەماس رێككەوتنی ئاشتەواییان واژوو كرد

قاهیرە ــ AA

هەردوو بزووتنەوەی فەتح و حەماس رێككەوتنی ئاشتەواییان لە قاهیرەی پایتەختی میسر، واژوو كرد.

كەناڵی تەلەڤیزۆنی میسر بڵاوی كردەوە كە هەردوو بزووتنەوەی فەتح و حەماس رێككەوتنەكەیان لە بارەگای دەزگای هەواڵگری گشتی میسر بە ئامادەبوونی بەڕێوەبەری دەزگاكە، خالید فەوزی واژوو كردووە.

پێشتر سەرۆكی مەكتەبی سیاسیی حەماس، ئیسماعیل هەنییە رایگەیاندبوو، هەردوو بزووتنەوەی حەماس و فەتح لە كۆبوونەوەكانی قاهیرەی پایتەختی میسر گەیشتوون بە رێككەوتن.