مەغریب.. رەیان-ی تەمەن پێنج ساڵان گیانی لەدەستدا

رابات - AA

لە دوای ئەوەی رەیان-ی پێنج ساڵان کە ماوەی پێنج رۆژبوو کەوتبووە نێو بیرێکەوە و پاشانیش رزگارکرا، گیانی لەدەستدا.

رەیان کە کەوتبووە نێو بیرێکی ٣٢ مەترییەوە، لە دوای نزیکەی ١٠٠ کاتژمێر لە ھەوڵدان بۆ رزگارکردنی، لەو شوێنە دەرھێندرا و دەستبەجێ رەوانەی نەخۆشخانە کرا.

ماوەیەکی کەم دواتریش، دیوانی شاھانەی مەغریب لە راگەیەندراوێکی نووسراودا ئاشکرای کرد کە رەیان گیانی لەدەستداوە.

لە راگەیەندراوەکەدا ئاماژە بەوەشکرا کە شای مەغریب محەمەدی شەشەم سەرەخۆشی لە خانەوادەی رەیان کردووە.