هێزه‌كانی ئیسرائیل١١٢ فه‌ڵه‌ستینییان له‌ كه‌ناری رۆژئاوا و قودس بریندار كرد

قودس – AA

هێزه‌كانی ئیسرائیل ١١٢ فه‌ڵه‌ستینییان له‌ خۆپیشاندانه‌كانی پشتیوانی بۆ كه‌رتی غه‌ززه‌ له‌ كه‌ناری رۆژئاوا و قودس بریندار كرد.

فه‌ڵه‌ستینییه‌كان ئێواره‌ی دوێنێ له‌ نزیك خاڵه‌كانی پشكنینی ئیسرائیل له‌ ده‌ورووبه‌ری شاره‌كانی رامه‌ڵڵا، نابلوس و خه‌لیل له‌ كه‌ناری رۆژئاوا وه‌ك ده‌ربڕینی هاوسۆزی و پشتیوانی بۆ كه‌رتی غه‌ززه‌ خۆپیشاندانیان ئه‌نجامدا.

سه‌ربازانی ئیسرائیلیش به‌مه‌به‌ستی بڵاوه‌پێكردن به‌ خۆپیشاندانه‌كان گولـله‌ و گولـله‌ی پلاستیكییان به‌كار هێنا.

مانگی سووری فه‌ڵه‌ستین رایگه‌یاند كه‌ له‌ ئاكامی ده‌ستوه‌ردانی هێزه‌كانی ئیسرائیلدا ٢٠ فه‌ڵه‌ستینی به‌ گولـله‌، ٣٦ی دیكه‌ به‌ گولـله‌ی پلاستیكی برینداربوون و ٥٦ی دیكه‌یش به‌ په‌لاماردان برینداركراون.