هەڵبژاردنی سەرکۆمار لە قرغیزستان

بیشکەک-AA

دەنگدەرانی قرغیزستان بە مەبەستی هەڵبژاردنی پێنجەمین سەرکۆمار، روویان لە بنکەکانی دەنگدان کرد.

کۆمیسیۆنی هەڵبژاردنی ناوەندی رایگەیاند، بە پێی سیستەمی بایۆمەتری دوو هەزار و ٣٧٥ سندوق لە ناوخۆی وڵاتدا و ٣٧ سندوقیش لە دەرەوەی وڵات دانراوە و لە تەواوی وڵاتدا کاتژمێر ٠٨:٠٠ دەنگدان دەستیپێکردووە و تا کاتژمێر٢٠:٠٠ دەخایەنێت و سێ ملیۆن کەس مافی دەنگدانیان هەیە و دوای دوو کاتژمێر لە داخستنی سندوقەکان ئەنجامە بەراییەکان ئاشکرا دەکرێت.

لە هەڵبژاردنەکەدا لە ٥٩ وڵاتەوە ٧٧٣ کەس هەڵسەنگاندن و چاودێری هەڵبژاردنەکە دەکەن.

١١ کاندید کێبرکێی دەکەن لەم هەڵبژاردەنەداو چاوەڕێ دەکرێت لەنێوان کاندیدی پارتی دەسەڵاتدار سورۆنبای سینبەکۆڤ و دامەزرێنەری پارتی کۆماریی ئەنجومەن عوموربەک بابانۆڤ ئەنجام بدرێت.

هەرچی سەرکۆماری ئێستای ئەو وڵاتە ئالمازبەک ئاتامبایەڤ-ە کە ١ی تشرینی دووهەم ئەرکەکەی تەواو دەبێت، بەپێی دەستوور مافی خۆکاندید کردنەوەی نیە.