Bahattin Gönültaş,Erbil Başay
18 شوبات 2022•نوێکردنەوە: 19 شوبات 2022
بهرلین – AA
ئهمڕۆ كۆنفرانسی ئاسایشی میونخ MSC 2022 كه یهكێكه له پلاتفۆرمه گرنگهكانی جیهان دهست پێ دهكات له كاتێكدا بههۆی كێشهی ئۆكرایناوه گرژی پهیوهندییهكانی نێوان ئهمریكا و رووسیا قوڵتر بووهتهوه.
كۆنفرانسهكه كه به "داڤۆس بۆ ئاسایش و بهرگری" ناسراوه، له كاتێكدا ئهنجام دهدرێت كه سیستهمی نێودهوڵهتی كه لهسهر بنهمای رێسا و یاسا بونیان نراوه له كێشهی قوڵدا دهژی و قهیرانه بهیهكهوه گرێدراوهكانیش زیاتر بوون.
MSC 2022 بههۆی گرتنهبهری رێوشوێنهكان بۆ بهرگرتن به تهشهنهسهندنی زیاتری ڤایرۆسی كۆرۆنای نوێ ژمارهی بهشداربووان، چالاكییهكان و نوێنهران بۆ رێژهی دوو لهسهر سێ كهم كراوهتهوه و رهههند و شوێنی ئهنجامدانیشی بچوك كراوهتهوه و زۆربهی چالاكییهكان به شێوهی ئۆنلاین ئهنجام دهدرێن.
چاوهڕێ دهكرێت له كۆنفرانسهكهدا تاوتوێی كێشهی ئۆكراینا، رێكخستنهوهكان له تهكنهلۆژیا، بهرهنگاربوونهوهی كۆرۆنا، ئاڵنگارییهكانی بهردهم ئابووری یهكێتیی ئهورووپا و جیهان تاوتوێ بكرێن.
كۆنفرانسهكه كه ئهمساڵ ٥٨همین جاره ئهنجام بدرێت و تاكوو ٢٠ی شوبات بهردهوام دهبێت، به ههمان شێوهی ساڵهكانی دیكه له هۆتێلی Bayerischer Hof له شاری میونخ بهڕێوه دهچێت.
