پەیامی پشتیوانی تۆپی پێی ئیسپانیا بۆ گەلی تورکیا

بە مەبەستی دەربڕینی هاوخەمی بۆ قوربانیانی ھێرشە تیرۆریستییەکەی ئیستانبوڵ، وەک رێزگرتن لە قوربانییەکانی ئەو کردە تیرۆریستییە، لە یارییەکانی ئەمڕۆ و سبەی خولی پلە یەک و دووی ئیسپانیا، یاریزانان بۆ ماوەی خولەکێک دەوەستن.

مەدرید

یانەکانی تۆپی پێی ئیسپانیا ئیدانەی ھێرشە تیرۆریستییەکەی ئیستانبوڵ دەکەن و پەیامی ھەماھەنگی بۆ گەلی تورکیا دەردەبڕن.

خولی تۆپی پێی ئیسپانیا کە خولی یەک و دووی ئەو وڵاتە لەخۆ دەگرێت، لە راگەیەندراوێکدا بۆ دەربڕینی هاوخەمی بۆ قوربانیانی ھێرشە تیرۆریستییەکانی ئیستانبوڵ، لە یارییەکانی ئەمڕۆ و سبەی خولی پلە یەک و دووی ئیسپانیا وەک رێزلێنان بۆ قوربانییەکان ئەو کردە تیرۆریستییە، یاریزانان بۆ ماوەی خولەکێک دەوەستن.

لالیگا لەوبارەیەوە رایگەیاند ھەموو جۆرە توندوتیژییەک رەت دەکەنەوە و پشتیوانی لە خانەوادەی قوربانیانی ھێرشە دڕندەییەکە دەکەن و تییایدا ھاتووە "ئەو جۆرە ھێرشانە ھیچ شوێنێکی لە جیھانی وەرزشیدا نابێت".

لە لایەکی دیکەوە فێدراسیۆنی تۆپی پێی ئیسپانیا لە راگەیەندراوێکدا ھاوخەمی بۆ ھێرشەکانی تیرۆریستییەکانی ئیستانبوڵ نیشاندا و پشتیوانی بۆ کەسوکاری و قوربانیان دەربڕی و ھاتووە: "خێزانی تۆپی پێی ئیسپانیا لەم کاتە سەختەدا ھاوخەمی گەلی تورکیایە و ھەموو جۆرە توندوتیژییەک رەت دەکاتەوە".