مەسعود بارزانی و موسەننا سامەڕائی پرسی پێکھێنانی حکوومەتی نوێی عێراقیان تاوتوێ کرد

ھەولێر ــ AA

سەرۆکی پارتی دیموکراتی کوردستان، مەسعود بارزانی و سەرۆکی ھاوپەیمانیی عەزم، موسەننا سامەڕائی پرسی پێکھێنانی حکوومەتی نوێی عێراقیان تاوتوێ کرد.

بارەگای بازرانی لە ڕاگەیاندراوێکدا ئاماژەی بەوەداوە کە مەسعود بارزانی لە پیرمام پێشوازی کردووە لە سەرۆکی ھاوپەیمانیی عەزم، موسەننا سامەڕائی.

ڕاشیگەیاندووە کە لە دیدارەکەدا، بارودۆخی سیاسیی عێراق و ناوچەکە بە گشتی تاوتوێ کراون.

ئەوەشی خستووەتەڕوو کە لە تەوەرێکی دیکەی دیدارەکەدا، باس لە دوا ھەنگاوەکانی پرۆسەی سیاسی لە عێراق بۆ پێکھێنانی حکوومەتی نوێ کراوە.