هه‌ولێر .. هەڵمەتی دابەشکردنی ماسک بە سەر هاووڵاتیاندا

هەولێر - AA

لە چوارچێوەی رێکارەکانی بەرەنگاربوونەوەی ڤایرۆسی کۆرۆنای نوێ (COVID-19)، کەمپینی نیشتمانیی دەستی بە دابەشکردنی ماسک بە سەر هاووڵاتیانی هه‌ولێری پایتەختدا، كرد.

لە چواچێوەی كه‌مپینه‌كه‌دا، کە لەلایەن کۆمەڵێک خەڵکی خۆبەخشەوە بەڕێوەچوو، سەدان ماسک بەسەر شۆفێران و کاسبکاراندا دابەشکرا و داوا لە خەڵک کرا بە بەکارهێنانی ماسک و دەستکێش خۆیان لە هەرچەشنە ڤایرۆسێکی گوازراوە بپارێزن.

لە هەرێمی کوردستان هەڵمەتەکانی خۆپارێزی لە ڤایرۆسی کۆرۆنا لە کاتێکدایه‌، ده‌ركه‌وتنه‌وه‌ی ڤایرۆسه‌كه‌ له‌ ئێستادا گیانله‌ده‌ستدانی زیاتری به‌راورد به‌ سه‌ره‌تاكانی سه‌رهه‌ڵدانی لێكه‌وتووه‌ته‌وه‌ و تا ئێستا لە کۆی دوو هەزار و ٣٠٧ تووشبوو، ٤٧ کەس گیانیان لەدەستداوە.

بەرپرسانی هەرێم هۆشداریی بڵاوبوونه‌وه‌ی زیاتری ڤایرۆسەکە و درووستبوونی کارەساتێکی مرۆییان داوە و لەو چوارچێوەیەشدا داوا لە هاووڵاتییان کراوە لای خۆیانه‌وه‌ پابەندی رێنماییە تەندروستییەکان بن.