کەمێکی دیکە مەسرور بارزانی کۆنفرانسێکی رۆژنامەوانیی دەبێت

هەولێر - AA

ئەمڕۆ چوارشەممە، ئەنجوومەنی وەزیران بەسەرپەرشتی سەرۆکی حکوومەتی ھەرێمی کوردستان، مەسرور بارزانی کۆبووەوە

لە کۆبوونەوەکەدا تاوتوێی دۆخی ئێستای ھەرێمی کوردستان لە رووی سیاسیی و ئابووری و تەندروستییەوە دەکرێت و بڕیاریشە دوای تەواوبوونی کۆبوونەوەکە لە کۆنفرانسێکی رۆژنامەوانییدا، سەرۆکی حکوومەتی ھەرێمی کوردستان، مەسرور بارزانی ناوەڕۆکی کۆبوونەوەکە بخاتەڕوو.

نووسینگەی راگەیاندنی سەرۆکی حکوومەتی ھەرێمی کوردستان بڵاویکردەوە کە کاتژمێر ١٢:٣٠ی ئەمڕۆ چوارشەممە، سەرۆکی حکوومەتی ھەرێمی کوردستان، مەسرور بارزانی کۆنفرانسێکی رۆژنامەوانیی ساز دەکات و باس لە دۆخی ئێستای ھەرێمی کوردستان و دوا پەرەسەندنەکانی پەیوەندی لەگەڵ حکوومەتی فیدراڵی دەکات.