جۆ بایدن بووە ٤٦ ـەمین سەرۆکی ئەمریکا

واشنتۆن - AA

کاندیدی دیموکراتەکان، جۆ بایدن ھەڵبژاردنەکانی سەرۆکایەتی ئەمریکای بردەوە و بوو ٤٦ ـەمین سەرۆکی ئەمریکا.

بەپێی داتاکانی ئاژانسی ھەواڵی ئەی پی، بایدن لە ویلایەتی پەنسیلڤانیا بە پێش کاندیدی کۆمارییەکان، دۆناڵد ترەمپ کەوتەوە و بووە براوەی ھەڵبژاردنەکانی سەرۆکایەتی ئەمریکا.

جیاکردنەوەی دەنگەکان لە ویلایەتەکانی نیڤادا، ئاریزۆنا، کارۆلینای باکوور و جۆرجیا بەردەوامە و ئەمڕۆش جیاکردنەوەی دەنگەکانی پەنسیلڤانیا کۆتایی ھات.

بەپێی داتاکانی ئەی پی، بایدن بە بەدەستھێنانی le سەدا ٤٩.٦ی دەنگەکان لە ویلایەتی پەنسیلڤانیا سەرکەوتنی بەدەستھێنا.

بەم پێیەش بایدن بووە براوەی ھەڵبژاردنەکان و ٤٦ـەمین سەرۆکی ئەمریکا.

ترەمپ ئەگەر لە ھەرسێ ویلایەتەکانی جۆرجیا، نیڤادا و ئاریزۆنا سەریشبکەوێ ئیتر کاریگەری لەسە ئەنجامی ھەڵبژاردنەکاندا نابێت.