ریال مەدرید هەنگاوێکی ماوە بۆ بوون بە پاڵەوانی لا لیگا

مەدرید - AA

لە هەفتەی ٣٦ی لا لیگادا، یانەی ریال مەدرید رووبەڕووی یانەی گرانادا بووە.

لە نیوەی یەکەمی یارییەکەدا، هەریەکە لە یاریزانان فێرلاند مێندی لە خولەکی ١٠ و کەریم بەنزەمە لە خولەکی ١٩دا، گۆڵی یەکەم و دووەمیان بۆ یانەی ریال مەدرید تۆمار کرد.

لە نیوەی دووەمی یارییەکەدا و لە خولەکی ٥٠دا، یاریزان داروین ماکیس گۆڵی یەکەمی بۆ یانەی گرانادا تۆمار کرد.

یارییەکە بە ئەنجامی ٢-١ لە بەرژەوەندی ریال مەدرید کۆتایی هات.

بەم شێوەیە ریال مەدرید ژمارەی خاڵەکانی گەیشتە ٨٣ خاڵ و بە چوار خاڵ لە پێش یانەی بارسێلۆناوەیە، ئەگەر تەنها لە یارییەکی دیکەدا سەرکەوتووبێت دەبێتە پاڵەوانی لا لیگا و بۆ جاری ٣٤مین ئەو نازناوە بەدەست دەهێنێت.

لە بەرامبەریشدا یانەی گرانادا بە تۆمارکردنی ٥٠ خاڵ لە ریزبەندی دەیەمی یانە پلە یەکەکانی ئیسپانیادا مایەوە.