Азербејџан и Босна и Херцеговина потпишаа договор за соработка во областа на заштита од катастрофи

БАКУ (АА) - Азербејџан и Босна и Херцеговина потпишаа договор за соработка во областа на заштитата од природни и други катастрофи, јавува Анадолу.

Министерот за безбедност на Босна и Херцеговина, Ненад Несиќ, во рамки на неговата посета на Азербејџан се сретна со азербејџанскиот министер за вонредни состојби, Кемаледин Хајдаров.

За време на средбата, Несиќ и Хајдаров го потпишаа Договорот за соработка во областа на заштитата од природни и други катастрофи.

Несиќ во рамки на посетата го посети и гробот на починатиот азербејџански претседател Хајдар Алијев.