Во знак на поддршка на САД во борбата со Ковид-19, Градското собрание на Сараево во боите на американското знаме

САРАЕВО

Градското собрание на Сараево вечерва беше осветлено во боите на американското знаме во знак на поддршка на американскиот народ и владата на САД во заедничката борба против пандемијата на Ковид-19, јавува Агенција Анадолија (АА).

„Ние сме со вас, како што и вие секогаш бевте со нас“, е пораката која е истакната вечерна на градското Собрание со знамето на САД.

„Вие бевте со нас кога беше најтешко и останатите наши најголеми пријатели, а ние вечерва сме со вас, со американсиот народ и владата во заедничката борба против пандемијата на Ковид-19“, порача градоначалникот на Сараево, Абдулах Скака.

Тој потсети дека САД стана најголемото жариште на светот на ширење на опасниот вирус, со заразени повеќе од половина милион луѓе, при што повеќе од 22.000 лица во САД починаа од последиците на вирусот. Градот Њујорк е најтешко погоден и бројот на заразени лица расте секојдневно. Владата на САД прави огромни напори за борба против ширењето на вирусот.

„Градското собрание на Сараево вечерва е осветлено во боите на американското знаме со порака за солидарност и поддршка во овие тешки времиња. Народот и властите на Соединетите Американски Држави се докажан сојузник и пријател на народот и државата Босна и Херцеговина и градот Сараево. Ова е симболичен чин со кој испраќаме важна порака во деновите кога целиот свет е соочен со опасноста без преседан. Уверен сум дека народот на САД ќе пронајде сила и капацитети да го победи овој вирус. Наша одговорност и обрска е на пријателите да им пружиме рака на поддршка и солидарност“, наведе градоначалникот на Сараево.

САД се една од првите земји што ѝ испратија помош на Босна и Херцеговина во медицинска и заштитна опрема при избувнување на епидемијата. Во текот на децениите на долго пријателство и сојузништво на двете држави, САД дадоа немерлив придонес во изградбата и обновата на БиХ и Сараево, како главен град на БиХ.