Вучиќ во Бања Лука се состана со Додик: Тежок ден за целиот српски народ

САРАЕВО (АА) - Српскиот претседател Александар Вучиќ вечерва по пристигнувањето во Бања Лука порача дека со пресудата против претседателот на босанскохерцеговскиот ентитет Република Српска, Милорад Додик, „нападната е РС и дека ова е тежок ден за српскиот народ“, пренесува Анадолу.

Како што истакна, каква и да е одлуката на РС, Србија и тој лично секогаш ќе стои зад неа.

Вучиќ, во обраќањето до насобраните приврзаници на СНСД кои ги чекаа него и Додик пред Палатата на Републиката во Бања Лука, рече дека „советниците ми рекоа дека не е најдобар момент да патувам таму“.

„Моментот не е поволен, не е радосен, но ако можев да бидам тука пред неколку дена кога го славевме нашиот празник - Сретење, кога се радувавме, срамота е да не бидам кога е тешко“, рече претседателот на Србија.

Вучиќ истакна дека денес е тежок ден за целиот српски народ.