Евакуирани учениците од пет скопски училишта поради дојави за бомби

СКОПЈЕ (АА) - Министерството за внатрешни работи (МВР) на Северна Македонија соопшти дека пет скопски училишта денеска добиле закани за поставена бомба, пренесува Агенција Анадолија (АА).

„Денеска во СВР Скопје е пријавено дека на електронските адреси на пет училишта во Скопје е упатена закана за поставена бомба. Веднаш по добиената пријава, полициските службеници презедоа мерки за безбедно евакуирање на училиштата. Во тек се антитерористички проверки и се преземаат мерки за расчистување на случајот“, стои во соопштението на МВР.

Од МВР не прецизираат за кои училишта станува збор.