Косово: Бројот на случаи со Ковид-19 се зголеми на 561

ПРИШТИНА

Во Косово се откриени уште 51 случај со новиот вид коронавирус (Ковид-19) со што вкупната бројка на случаи во земјата се искачи на 561, меѓу кои 12 починати и 102 излекувани лица, пренесува Агенција Анадолија (АА).

Оваа информација преку соопштение ја потврди Националниот институт за јавно здравје на Косово.

Не се регистрирани нови смртни случаи, но излекувани се уште девет лица, со што вкупната бројка на излекувани во земјата се зголеми на 102.

Овој институт соопшти дека денес се извршени 295 тестирања за Ковид-19, додека вкупниот број на извршени тестирања во Косово изнесува 4.656.