Косово: Полицијата ги блокира патиштата до селото Бањска, продолжува да се слушаат истрели

ЗВЕЧАН (АА) - Полицијата на Косово ги блокира патиштата кои водат до селото Бањска во Звечан, каде во раните утрински часови денес е убиен полицискиот службеник Африм Буњаку, а граничниот полицаец Албан Рашити е ранет, пренесува Анадолу.

Како што информираат косовските медиуми, во селото Бањска кое го блокира полицијата на Косово, и понатака се слушаат рафални истрели.

На новинарите кои известуваат од местото на настанот наредено им е да се тргнат на безбедно.

На теренот се и возила на КФОР, ЕУЛЕКС и нивните амбулантни возила.

Медиумите во Приштина известуваат дека се сомневаат дека напаѓачите се затворени во манастирот во Бањска.

Во меѓувреме започна состанокот на Советот за безбедност на Косово, а се очекува и обраќање на косовскиот премиер Албин Курти.