НОВИ САД (АА) - Укинат е притворот на поранешниот министер за градежништво, сообраќај и инфраструктура на Србија, Горан Весиќ, соопшти Вишиот суд во Нови Сад, јавува Анадолу.

Вонистражниот совет на Вишиот суд во Нови Сад, одлучувајќи по жалбите на Вишото јавно обвинителство и бранителот на осомничениот, му го укина притворот на осомничениот Горан Весиќ, утврдувајќи дека ни од наредбата за спроведување на истрагата, како ни од доказите доставени од Вишото јавно обвинителство во Нови Сад во списите на предметот засега не постои основано сомнение дека сторил кривично дело тешко дело против општата безбедност во врска со кривичното дело предизвикување општа опасност, а што е неопходен услов за да може за кое било лице да се одреди притвор.

Истрага се спроведува против лице за кое постојат основи на сомнение дека сторило кривично дело, односно збир на факти што посредно укажуваат дека е сторено кривично дело или дека одредено лице е сторител на кривично дело. Меѓутоа, притвор може да се одреди само против лице за кое постои основано сомнение дека сторило кривично дело, што е збир на факти што непосредно укажуваат дека одредено лице е сторител на кривично дело. Значи, за да се одреди притвор за едно лице потребно е да постои повисок степен на сомнение во однос на степенот на сомнение што е доволен за да се поведе истрага.

Имајќи предвид дека за тврдењата наведени во наредбата за спроведување истрага јавниот обвинител засега не доставил докази што укажуваат на постоење на основано сомнение, советот е на став дека во овој момент не постои основано сомнение за постоење на причинско-последична врска меѓу дејствата опишани во обвинителските дејства и пропусти на осомничениот Горан Весиќ, со последиците што произлегуваат.

Бидејќи при одлучувањето за притвор судот е должен првенствено да утврди дали постои основано сомнение дека лицето за кое се предлага притвор сторило кривично дело, кое во конкретниот случај засега не произлегува, советот оцени дека жалбените наводи на Обвинителството се нерелевантни во насока на влијание врз сведоци и други стравови пропишани во член 211 став 1 точки од 1 до 4 од Законот за кривична постапка, поради што на осомничениот Горан Весиќ му се укинува притворот и наложено е негово итно ослободување, наведоа од Вишиот суд во Нови Сад.

Укинувањето на притворот не влијае врз натамошното водење на истрагата.

Весиќ беше уапсен минатата недела поради паѓањето на натстрешницата на железничката станица во Нови Сад, при што загинаа 15 лица, а двајца беа тешко повредени.