„Фич“: Рецесијата во ЕУ веројатна доколку Русија наеднаш ги прекине испораките на гас

ИСТАНБУЛ (АА) - Економска рецесија во еврозоната е веројатна доколку дојде до ненадеен прекин на испораките на природен гас на Русија за блокот, предупреди во четвртокот „Фич рејтингс“, јавува Агенција Анадолија (АА).

„Изложеноста е толку голема што моменталниот и целосен прекин на испораките на руски природен гас ќе резултира со недостиг на гас и рационализирање на гас, што ќе предизвика голем макроекономски шок“, се вели во соопштението на рејтинг-агенцијата.

Додека 38 проценти од увозот на гас во ЕУ доаѓаат од Русија, „Фич“ соопшти дека проценува оти 60 проценти од домашната употреба на гас кој се користи во Германија се испорачани од Русија.

„Европската централна банка проценува дека економијата на еврозоната би се намалила на 0,7 проценти отсто доколку снабдувањето со природен гас се намали за 10 проценти“, забележа „Фич“.

„Оттука, загубата од 30 проценти во снабдувањето со гас ќе се претвори во пад од 2 проценти на БДП во еврозоната. За Германија, падот во снабдувањето на рускиот гас би значело пад на БДП од речиси 4 проценти“, соопшти рејтинг-агенцијата.

„Фич“ рече дека руските испораки на природен гас може да се заменат со други извори на гас и енергија со текот на времето, но непосредната загуба претставува значителен ризик за Европа.