Murat Birinci
25 Декември 2020•Ажурирај: 26 Декември 2020
АНКАРА (АА) - Гувернерот на Централната банка на Република Турција, Наџи Агбал, изјави дека силниот економски моментум во земјата продолжува и во последниот квартал од годината, и дека е постигнат значителен раст на производството, потрошувачката и инвестициите, јавува Агенција Анадолија (AA).
Првиот човек на Централната банка на Турција рече дека економските показатели за последниот квартал од оваа година покажуваат позитивен замав во Турција и дека зголемените ризици од инфлација бараат одлучен и строг став во монетарната политика.
Агбал најави дека Централната банка на Турција одлучно ќе ја спроведува програмата за борба против инфлацијата, и дека при донесувањето на одлуките за монетарната политика ќе биде задржан приоритетот на стабилноста на цените.
Тој истакна дека стабилноста на цените укажува на ниската стапка на инфлација што стопанските субјекти не треба да ја земаат предвид при одлуките за потрошувачката, инвестициите и заштедите.
„Позитивниот однос помеѓу стабилноста на цените и стабилниот и брз раст произлегува од подобрувањето на деловното и инвестициското опкружување со осигурување на предвидливоста во економијата. Централните банки, најголем придонес кон порастот на благосостојбата во општеството даваат со обезбедување на стабилноста на цените“, рече Агбал.
Шефот на турската Централна банка најави дека во наредниот период Турција ќе продолжи со својата одлучна монетарна политика и ќе ги земе предвид сите фактори кои доведуваат до стабилен пад на стапката на инфлација, а воедно и до обезбедување стабилност на цените.
