ОЕЦД: Турската економија забележа најголем раст меѓу земјите од Г-20 во првиот квартал

ЛОНДОН (АА) - Додека економскиот раст на земјите од Г-20 во првиот квартал од оваа година беше во просек 0,9 отсто, Туркије е земја со највисок економски раст меѓу земјите од Г-20 во овој период, со 2,4 отсто, јавува Анадолу.

Според водечките податоци за економскиот раст за првиот квартал од годината објавени од Организацијата за економски развој и соработка (ОЕЦД), економскиот раст во земјите од Г-20 е благо зголемен во однос на 0,7 отсто во претходниот квартал.

Економиите на Г-20 во првиот квартал од оваа година пораснаа во просек за 0,9 отсто во однос на претходниот квартал.

Движечка сила за економскиот учинок беше растот на економиите на Кина и Индија. Кина, Индија, Туркије, Саудиска Арабија, Јужна Кореја и Индонезија забележаа поголем раст од вкупниот на Г-20.

Туркије е земја со најголем економски раст меѓу земјите од Г-20 со 2,4 отсто, потоа следува Индија со 1,9 отсто, Кина со 1,6 отсто, Саудиска Арабија со 1,4 отсто, Јужна Кореја со 1,3 отсто и Индонезија со 1,2 отсто.

Економијата на Саудиска Арабија закрепна во првиот квартал од оваа година по падот од 0,6 отсто во последниот квартал од минатата година.

Економски раст е регистриран во Кина, Јужна Кореја и Туркије во однос на последниот квартал од минатата година, а благо е намален во Индија и Индонезија.

Американската економија порасна за 0,3 отсто во првиот квартал од оваа година, што укажува на забавување во споредба со растот од 0,8 отсто во претходниот квартал.

Економијата бележи пад од 0,5 отсто во Јапонија и 0,1 отсто во Јужноафриканската Република. Бразил, Велика Британија и Германија се земји каде што е забележано економско закрепнување во првиот квартал од годинава.

Економскиот раст во земјите од Г-20 во првиот квартал од оваа година е пресметан на 3,3 отсто на годишно ниво. Меѓу земјите од Г-20, Индија е земја со најголем годишен економски раст во овој период од 8,4 отсто, а по неа следува Туркије со 7,4 отсто.

Економијата на Саудиска Арабија во првиот квартал од оваа година се намали за 1,5 отсто на годишно ниво, што ја прави земја со најголемо намалување меѓу земјите од Г-20.