Трајановски: Градот Скопје подготвен да се справи со зимските временски услови

СКОПЈЕ (АА) - Градоначалникот на Град Скопје, Коце Трајановски денеска го посети пунктот на ова јавно претпријатие во Кисела Вода, каде е сместен еден од двата пункта каде се сместени возила и сол за потребите на зимската служба на Град Скопје, каде што изјави дека Градот Скопје подготвено ја дочекува зимата и службите се спремни за справување со снежните врнежи, јавува Anadolu Agency (AA).

"Градот Скопје и оваа година подготвено ја дочекува зимата. Спремни сме за одржување на магистралните и на собирните улици на подрачјето на Скопје во зимски услови. Зимската служба на Град Скопје оваа година за справување со снежните врнежи и чистење на магистралните и на собирните улици кои се во надлежност на Градот располага со повеќе од 30 возила и 2500 тони сол (1500 во пунктот во Кисела Вода и 1000 во Бутел) ", изјави Трајановски.

Екипите на зимската служба во наредниот приод ќе ја пратат состојбата во текот на 24 часа и ќе интервенираат секаде каде што ќе се појави потреба.

Градот Скопје апелира до сите стопански субјекти во градот и до сите граѓани, кога ќе падне снег, да ги почитуваат законските обврски и да го расчистуваат снегот и мразот од пристапите до нивните деловни, односно станбени објекти.