Бугарија ги заостри мерките против Ковид-19 и за влез во земјата е потребен ПЦР тест

СОФИЈА

Министерство за здравство на Бугарија, во рамките на борбата против епидемијата на коронавирусот, донесе одлука граѓаните од голем број земји при влез во Бугарија да покажат тест дека се негативни на Ковид-19, пренесува Агенција Анадолија (АА).

Според одлуката на Министерството, со исклучок на земјите од Европската Унија (ЕУ) и земјите од Шенген-зоната, граѓаните од „трети земји“ кои влегуваат во Бугарија, се обврзани да покажат негативен ПЦР тест не постар од 72 часа.

Граѓаните на ЕУ, Велика Британија и земјите од Шенген зоната при влез во Бугарија нема потреба да приложуваат тест за Ковид-19.

Медицински тимови, социјални работници, снабдувачи на лекови, заштитна опрема и медицинска опрема, екипи за транспорт и службените лица исто така ќе бидат исклучени од опсегот на новите правила за влез во Бугарија.

Новите правила за влез во земјата ќе важат до 31 јануари 2021 година.

Во земјата со население од 6,8 милиони жители, во последните 24 часа се евидентирани 2.814 нови случаи на Ковид-19, а починаа 221 лице.

Од почетокот на епидемијата досега во земјата се детектирани 145.300 лциа позитивни на коронавирусот, додека 3.814 заразени ги загубија животите.