Започна гласањето за „Фотографии на годината“ на Анадолу

АНКАРА (АА) - Анадолу го започна гласањето за својот годишен натпревар „Фотографии на годината“, со влијателни слики што ги одбележаа настаните во 2024 година.

Натпреварот, спонзориран од турската одбранбена компанија РОКЕТСАН и од Сони, прикажува 140 извонредни фотографии направени од фоторепортерите на Анадолу, кои ги прикажуваат значајните настани од Туркије и од целиот свет.

Фотографиите се избрани од уредниците на Анадолу од над еден милион фотографии направени на сите страни на светот, меѓу кои и во Туркије, САД, Пакистан, Украина, Газа, Исланд, Перу и Кенија.

Секоја фотографија има опис на турски и на англиски јазик, а натпреварот е отворен за глобално учество.

Во новата категорија оваа година, „Слободна Сирија“, се вклучени 21 фотографија со кои се документираат случувањата по колапсот на сирискиот 61-годишен режим на Баас и падот на владеењето на семејството Асад.

Главни категории на натпреварот се:

Природа и животна средина (24 фотографии), Секојдневен живот (26 фотографии), Вести (41 фотографија) и Спорт (28 фотографии).

Учесниците може да гласаат за колку што сакаат фотографии.

Од своето основање во 2012 година, натпреварот привлече стотици илјади гласачи, меѓу кои и истакнати личности, како турскиот претседател Реџеп Таип Ердоган, министри, политичари, спортисти, уметници и луѓе од различно потекло.

На минатогодишниот натпревар гласаа 869.591 лице.

Гласањето за годинашниот натпревар е отворено до 17 часот на 31 јануари 2025 година и може да се изврши преку веб-страницата „yilinkareleri.aa.com.tr“.