Историскиот павилјон Ихламур, местото каде што османлиските султани ги пречекувале странските државници

ИСТАНБУЛ (АА) - Павилјонот Ихламур (Липа) во Истанбул, Туркије, што е изграден во периодот од 1849 до 1855 година за одмор, јавање коњи и лов за време на владеењето на османлискиот султан Абдулмеџид I, плени со својата карактеристична архитектура.

Анадолу направи видеоснимки со дрон на павилјонот познат по својата архитектура, што се гледа како пример за барокните орнаментни детали, кои се практикувале при градењето за време на османлискиот период.

Познато е дека во павилјонот османлиските султани биле домаќини на странски државници, поети, писатели и уметници.

Павилјонот Ихламур се простира на површина од над 24.700 квадратни метри. Има две посебни структури, базен и прекрасни скали. Во неговата градина има липи и чинари.

Релјефот на ѕидовите, карактеристичниот мебел, високите прозорци и осветлувањето во внатрешноста на павилјонот се исклучително добро сочувани.